Електронски статистички образец задолжителен за студентите во Македонија

Од академската 2025/2026 година, запишаните студенти на додипломски студии не пополнуваат хартиен статистички образец, а потребните податоци се прибираат електронски преку новиот образец ВОИ.20 кој го воведе Државниот завод за статистика, во соработка со Министерството за дигитална трансформација.

Тоа значи дека сите активни студенти имаат обврска образецот да го пополнат електронски, а по неговото успешно пополнување документот што го генерира системот треба да го достават до студентската служба на својот матичен факултет или висока стручна школа.

За да пристапат до образецот, студентите најпрвин треба да имаат профил на Националниот портал за е-Услуги, uslugi.gov.mk, со ниско ниво на регистрација преку Системот за единствена најава.

Како што појаснуваат од ДЗС, постојат две можности за регистрација:

1.Со електронска адреса-Студентот може да се регистрира со валидна е-адреса и првично добива профил на основно ниво. Потоа профилот треба да се надгради на ниско ниво, со проверка на физичкиот идентитет.

Надградбата може да се направи во канцелариите на ЕТУ (Една точка за услуги) низ државата, како и во подрачните единици на Управата за јавни приходи (УЈП). При тоа е потребен документ за лична идентификација.

2.Со постојна корисничка сметка од УЈП-Студентите кои веќе имаат корисничка сметка во УЈП не треба да креираат нова сметка. На Порталот за е-Услуги треба да ја изберат опцијата „Имате профил на УЈП“ и да се најават со корисничкото име и лозинката што ги користат во УЈП.

„Откако ќе се регистрираат и најават на Порталот, студентите треба да го пополнат електронскиот образец ВОИ.20 – Образец за запишани студенти на додипломски студии на факултетите и високите стручни школи. Образецот е достапен преку Националниот портал за е-Услуги.По успешно пополнување, системот генерира документ. Овој документ студентот треба да го достави до студентската служба на својот матичен факултет или висока стручна школа.“, стои во информацијата на ДЗС.

Доколку студентите имаат проблем со регистрацијата, пополнувањето на образецот или други технички прашања, Државниот завод за статистика упатува на надлежните лица за дополнителни информации и насоки.

На денешен ден пред 5 и 10 години...
Се сеќавате?

Пред 5 години | 16.09.2021

• 
  „Стоп на насилството врз жените“, панел дискусија во Гостивар на Форумот на жени на ДУИФорумот на жени на ДУИ од огранокот во Гостивар вечерва организираше панел…
• 
  557 нови случаи на ковид во земјава, починале 28 пациентиВо последните 24 часа регистрирани се нови 557 случаи на Ковид-19, од…
• 
  КК Гостивар стартува против Еуроникел во КавадарциДенеска во македонската куќа на кошарката на заеднички состанок со претставници на…

Пред 10 години | 16.09.2016

• 
  Видео презентација на новиот плоштад Гостивар[embed]https://youtu.be/DjK_h0IwDqQ[/embed] Општина Гостивар претстави и видео презентација на предлог проектот за новиот…
• 
  Авалон продукција број 1 на БалканотСпоред сите релевантни статистички показатели, Авалон Продукција за прв пат во својата…

Архива 10 години • Gostivarpress.mk