Библиотерапевтска работилница за ученици во Гостивар – Креативноста и книгите пред интернетот

Преку интересни игри, креативни активности и интеракција ученици од Гостивар имаа можност да се доближат до светот на книгите, да се запознаат со литературни дела за нивна возраст и да се потсетат на значењето и важноста на читањето. Работилницата „Библиотерапевтски работилници со ментално здравје кај децата“ ја спроведе Маја Трајковиќ, професорка по француски јазик и библиотекар советник од Скопје, а учествуваа ученици од петто и од осмо одделение со наставничките и библиотекарките Валентина Николовска и Валмира Ибиши.

„Работилниците со ментално здравје имаат позитивно влијание врз квалитетот на животот кај децата, во однос на нивните здрави навики, нивните училишни и вонучилишни постигнувања и во однос на промените кои им предизвикуваат вознемиреност и проблеми во текот на денот. Низ книжевните работилници со обработки на книгите, чии теми се блиски за читање  кај децата поттикнуваме меѓусебни книжевни клубови, во кои нагласуваме дека интернетот не е  единствениот центар на информации, туку дека  книгата е таа која нуди релевантни и веродостојни податоци за задоволување на нивната љубопитност.“, беше речено на работилницата.

Во Гостивар беа претставени и книги од Трајковиќ, која е автор на десетина дела: романи, романи за деца и млади, збирки раскази…Авторката, исто така подари свои книги за градската библиотека и за училишната библиотека на ООУ „Гоце Делчев“ Гостивар.

Од настанот, кој се организира со поддршка на Министерството за култура, беше испратена порака дека е неопходна соработка со сите универзитетски, јавни, училишни, општински и градски библиотеки, со што заеднички се придонесува за популаризација на книгата како и за индивидуално и групно советување на учениците за дејноста-библиотекар.

На денешен ден пред 5 и 10 години...
Се сеќавате?

Пред 5 години | 16.09.2021

• 
  „Стоп на насилството врз жените“, панел дискусија во Гостивар на Форумот на жени на ДУИФорумот на жени на ДУИ од огранокот во Гостивар вечерва организираше панел…
• 
  557 нови случаи на ковид во земјава, починале 28 пациентиВо последните 24 часа регистрирани се нови 557 случаи на Ковид-19, од…
• 
  КК Гостивар стартува против Еуроникел во КавадарциДенеска во македонската куќа на кошарката на заеднички состанок со претставници на…

Пред 10 години | 16.09.2016

• 
  Видео презентација на новиот плоштад Гостивар[embed]https://youtu.be/DjK_h0IwDqQ[/embed] Општина Гостивар претстави и видео презентација на предлог проектот за новиот…
• 
  Авалон продукција број 1 на БалканотСпоред сите релевантни статистички показатели, Авалон Продукција за прв пат во својата…

Архива 10 години • Gostivarpress.mk