Јапонците нашле чаре: Изнајмување на лице на кое може да му кукате за вашите проблеми за само 9 долари

Инвентивноста, работливоста и креативноста на Јапонците е надалеку позната и безброј пати докажана. Бизнис приказната на 50 годишниот Јапонец, Таканова Нишимото е само уште еден позитивен пример на таа тема.

Тој е сопственик на онлајн-сервис Ossan Rental, преку кој може да изнајмите човек, на кого ќе му се жалите, доверите, кукате и лелекате за сешто што ве мачи. При тоа, лицето кое сте го изнајмиле има обврска да ве сослуша концентрирано, па на крај ако самите побарате и да ви даде некој совет.

Цената на еден час изнајмување е 1.000 јапонски јени, што е околу 9 американски долари.

Нишимото објаснил дека првично целна група му биле средовечните мажи, кои честопати ги исмеваат поради големите пивски стомаци, ќелавоста и нехигиенските навики. Но, со тек на време се покажало дека сите генерации имаат потреба да си се пожалат некому.

„Мислев дека најмногу ќе ми се јавуваат мажи, но сепак тоа се жени на возраст од дваесет до педесет години“, вели тој.

Судејќи според искуствата на онлајн сервисот, Јапонците најмногу ги мачат проблеми во љубовта и кариерата. Сервосот го користат околу 900 луѓе месечно.