Иселеник од гостиварско Страјане донираше 65 кревети за болницата

Општата болница „Ферид Мурад“ во Гостивар доби 65 болнички кревети кои ќе бидат распределени низ одделенијата. Креветите ги донираше Насир Сулејмани, кој води потекло од гостиварското село Страјане, а живее и работи во Базел, Швајцарија. Донацијата е веќе транспортирана во болницата, а креветите се и целосно опремени со соодветни душеци и нова постелнина.

Од раководството на здравствената установа велат дека донацијата е добредојдена за болницата и изразуваат благодарност кон иселеникот за добрата соработка и покажаната грижа кон установата и граѓаните коишто се лекуваат тука.