Гостивар
Заразените со грип сезонава во Гостивар се бројат на прсти
Вирусот на грипот кој вообичаено во зимските месеци е доминантна зараза меѓу населението, годинава го нема. За разлика од претходно, кога имало над 100 случаи неделно, сега заболените може да се избројат на прсти. Според евиденцијата на епидемиолошката служба во Гостивар, сезонава во регионот се потврдени само 4 случаи. Во јануари пак до сега, нема ниту еден.
„Состојбата со сезонскиот грипот на подрачјето на гостиварскиот регион, за сега е мирна. За разлика од претходните години, бројките ни се неколкукратно пониски. Во сезоната на пријавување на грип, која почнува од 40-та недела претходната година до сега имаме само 4 поединечни пријави. Од почетокот на оваа година, пак немаме ниту една пријава на грип, ниту од матични лекари, ниту од инфективното одделение.“, изјави епидемиологот д-р Благородна Мишковска-Војновска.
Мерките против корона спречуваат и ширење на грип, велат лекарите.
„Сметам дека тоа се должи на примена на мерките против ковид. Станува збор за респираторно заболување, значи пренесувањето е на ист начин преку аеросоли, преку флигоеви капки. Со примена на заштитните маски, забраните за собири, посебните протоколи за работа на училиштата и институциите, се спречува и ширење на грипот.“, вели д-р Мишковска-Војновска.
На годишно ниво порано во Гостивар се регистрирале од 1.500 до 2.500 случаи на грип.
Претходната сезона вкупниот број на заболени од грип во Македонија бил 33.171. На гостиварското подрачје биле евидентирани над 1.500 пациенти со грип. Смртни случаи од компликации на грип во земјава имало 3.
Од почетокот на ковид пандемијата, лани во март, на државно ниво потврдени се 90.717 заразени. Во регион на Гостивар оваа бројка изнесува 3.577.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот