Две лица се повредени во несреќа на патот Маврови Анови – Дебар

Во сообраќајка која се случила вчера (23 јуни) на регионалниот пат Маврови Анови-Дебар, едно лице завршило со тешки телесни повреди, а друго со повреди од полесен карактер.

МВР соопшти дека на местото викано „Задчука“ атар на село Ростуше, патничко моторно возило “Тојота“ со гостиварски регистарски ознаки управувано од 32 годишниот Т.З. од Присојница, излетало од коловозот. Во незгодата со тешки телесни повреди се здобил сопатникот Џ.З, а со телесни повреди се здобил возачот по што биле пренесени во Општата болница Дебар за укажување на лекарска помош.

Извршен бил увид на местото на настанот од увидна екипа од Полициската станица Гостивар.