Како полесно да ги пребродите лошите ефекти од поместувањето на часовникот

Од вечерва во 2 часот по полноќ почнува летното сметање на времето. Оваа промена го погодува човековиот организам како физички, така и психички. Телото сепак, не се прилагодува толку лесно на тоа како мобилиот телефон, на пример.

Луѓето обично губат енергија, чувствуваат главоболка или малаксаност, стануваат раздразливи, им се создава проблем со спиењето  и сл.

Како полесно да ја пребродите оваа промена:

-Пред да легнете да спиете, не читајте вести на социјалните мрежи, ниту било што на компјутер или телефон. Наместо тоа послушајте музика што ве релаксира.

-Кафе или зелен чај, како и енергетски пијалоци, не треба да се конзумираат најмалку пет часа пред спиење.

-Јадете нешто лесно за вечера, без јаглехидрати и сол.

-Прошетајте два часа пред спиење, доволни се триесет минути за полесно да заспиете.

-За наутро наместете го алармот во точно време кога треба да се разбудите. Не го одложувајте станувањето, туку веднаш станете од кревет. Со одложување на алармот, го мачите организмот.

-Откако ќе се разбудите, раздвижете се, истегнете се до отворен прозорец, во дворот или на тераса.

-Истуширајте се со млака вода

-Пуштете си музика или некоја емисија од забавен тип за да ви ја разбие тишината