Мартовското сонце ги извади гостиварци на прошетка, најбројни млади родители со дечиња

Саботниот ден голем број гостиварци го искористија за прошетка во градскиот парк и шеталиштето покрај Вардар. За тао, секако придонесоа убавите временски прилики и сончевото време кое владее викеднот со којшто се заокружува месецот март.

Особено раздвижено беше околу детските катчиња. Младите родители со дечиња со дозволија уживање во пријатната атмосфера и зеленилото во паркот, како и забава низ игра на реквизитите што се на располагање.

Според прогнозите на УХМР и утре ќе имаме сончево и топло време со прилично висока дневна температура која во Гостивар ќе достигне 26 степени. Ќе дува слаб до умерен ветер од јужен правец, поизразен долж Повардарието.

Поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата, соопшти УХМР.