Занимливости

Москва без снег во декември за прв пат по 133 години, цветаат билки како во пролет

Објавено

пред 4 години

на

20/12/2019

Од

Gostivarpress.mk

Невообичаено топлото време со температури над нулата во декември, ги изненади жителите на Москва, кои во чудење се прашуваат каде исчезна зимата. Ова е прв пат, после 133 години во руската престолнина месецот декември да поминува без снег. Последен пат вакво топло време било забележано во 1886 година.

Вообичаената температура на воздухот во Москва, околу 20 декември изнесува минус 6,2 степени целзиусови. Вообичаено московските зими се долги и многу студени, а улиците побелени од снег.

Метеоролозите сметаат дека годинешната ненормална топлина пристигнала со атмосферскиот фронт од Атлантикот. За Нова година се очекува да врне дожд, а не снег. .

Високата температура не ги изненади само луѓето, туку и растенијата. Топлото време ги измами билките кои рано расцутија, како да е пролет. Во ботаничката градина на московскиот Универзитет расцветаа кокичиња и рози.