Вечерва значително посвежо време, инфо за измерени температури и прогноза за утре

Управата за хидрометеоролошки работи во објавената информација за измерени температури вечерва и максимални температури, забележува дека владее значително посвежо време.

„Вечерва е значително посвежо, во Скопје-Зајчев Рид температурата е 8°C, а најтопло е во Гевгелија 14°C. Најмногу дожд наврна во Виница 26 l/m2. Количините на врнежи се од мерните места на УХМР и локално може да варираат.“, се вели во информацијата од дежурниот синоптичар, Ивана Петровиќ.

Како што може да се види од табелата со податоци на УХМР, вечерва во најблиското мерно место до Гостивар, Пожаране, измерени се 8,7 степени, додека максималната дневна била 16,4.

Според прогнозите времето утре (четврток) ќе биде променливо облачно и посвежо со повремени врнежи од дожд, особено во северозападните делови каде ќе има услови за ретки грмежи. На планините врнежите повремено ќе преминуваат во снег. Ќе дува слаб до умерен северозападен, а во западните делови повремено засилен западен ветер.