Три казни во Гостивар за превозници кои со неисправни сопирачки возеле патници

Вчера (19.07.2022) во периодот од 06.00 до 10.00 часот на подрачјето на СВР Тетово била спроведена акциска контрола над возила со кои се врши јавен превоз на патници. Притоа, во Гостивар биле констатирани и санкционирани 3 прекршоци за неисправни уреди за кочење.

„Возилата биле исклучени од сообраќај, а на прекршителите им се изготвени соодветни платни налози и 2 барања за поведување на прекршочна постака за правно и одговорно лице. За време на контролата во Тетово било откриено и едно возило кое вршело јавен превоз на патници без соодветна документација и возачот ќе биде соодветно санкциониран согласно член 284А од Кривичниот законик.“, информира полицијата.

Секторот за внатрешни работи Тетово повторно апелира до правните, одговорните и физичките лица да ги почитуваат законските правила и прописи во сообраќајот, навремено да ја проверуваат техничката исправност на возилата со кои се врши јавен превоз на патници, да обезбедат соодветна документација и да придонесат за нивната безбедност, безбедноста на патниците кои ги превезуаваат, како и безбедноста на другите учесници во сообраќајот.