Се гради инклузивно детско игралиште во големиот парк во Гостивар

Ново детско катче никнува во големиот градски парк во Гостивар, на локација до веќе постоечкото, кај спортската сала. Се работи за инклузивно игралиште со површина од 675 метри квадратни, каде децата, вклучително и оние со посебни потреби, ќе се дружат и ќе имаат можност да играат заедно.

„Инклузивниот социјален парк ќе се уреди со тартан заради безбедноста на посетителите и ќе биде опремен со безбедни игри и реквизити со високи стандарди.“, соопштија од општината на почетокот на работите за изградба на игралиштето.

Проектот го реализира Општина Гостивар, преку аплицирање до Бирото за регионален развој на Полог и Министерството за труд и социјална политика.