Расте бројката на заболени од грип-Гостивар меѓу најпогодените градови

Втора недела по ред се зголемува бројката на заразени со грип во земјава, бележи Институтот за јавно здравје во последниот извештај. Во периодот од 9 до 15 јануари 2023 година во Македонија се пријавени 1.346 случаи, што е 63,9% повеќе во споредба со претходната недела.

Најмногу заболените се пријавени во Битола и Струмица – по 147 и Гостивар – 125. Во  останатите градови, бројот на пријавени е помал од 100. Во однос на возрасната дистрибуција, 888 лица се на возраст од 15-64 години, 186 кај деца на возраст од 5-14 години, 139 кај деца на возраст од 0-4 години и 133 се регистрирани кај лица на возраст над 65 години.

„Во сезоната 2022/2023 вкупниот број на случаи на грип/заболувања слични на грип изнесува 3.097. Во споредба со истиот период од минатата сезона, бројот на пријавени случаи е зголемен за 16,7%, а во однос на моделот од последните 12 сезони се регистрира зголемување од 12,7%.“, пишува во извештајот.

Збирно заболените се пријавени од дваесет и една подрачна единица на Центрите за јавно здравје. Најголем број на заболени лица, 378, се пријавени од Битола и Гостивар со 370.