Вести
„Училиштата останаа без струја затоа што општината не пушта пари за сметки“ – обвинија директори на гостиварски училишта
Директори на повеќе основни и средни училишта во Гостивар денес на прес конференција се пожалија дека општината не им дала пари за тековно одржување на училишните згради, поради што им била исклучена електричната енергија. Тие потенцираа дека немањето соработка меѓу училиштата и локалната власт носи проблеми кои го кочат нормалното функционирање на образовните установи.
„Денес повеќето училишта останаа без струја, затоа што општината нема пуштено средства за тековно одржување. Непостоењето соработка не е добра работа, затоа што општината е должна да се грижи за нормално одвивање на образовниот процес на ниво на општината. Бараме да се почитуваат законските регулативи за образование и да се тргне политиката на страна“, изјави Агрон Алили, директор на средното медицинско училиште во Гостивар.
Директорот на средното техничко училиште во Гостивар, Ибрахим Асани ја повика општината да престане со опструкции кон училиштата и најави дека за состојбите ќе бидат известени државните органи надлежни за образование.
„За ваквите проблеми кои се настанати во училиштата во Гостивар ќе испратиме известување до Министерството за образование и до Просветниот инспекторат“, рече Асани.
Од општина Гостивар не излегоа со свој став и коментар во врска со посочувањата на директорите.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот