Крај за култната „буба“

Како што пренесе Бизнис инсајдер, Volkswagen следната година ќе прекине со производство на култниот автомобил „буба“. Таквата одлука доаѓа поради континуираниот пад на продажбата на возилото. Лани во САД биле продадени 15 илјади„буби“ што е драматична разлика од времето кога автомобилот беше мегапопуларен, во шеесетите, со 420 илјади продадени годишно.

Крајот на најгерманскиот автомобил на сите времиња, ќе има холивудски шмек.  Најавена е цела серија на настани во чест на „бубата“ или Käfer, како што е оригиналното народно име на автомобилот кој никогаш нема да падне во заборав.

Легендарната „буба“ има свои корени во нацистичка Германија, кога е создаден како „народен автомобил“, но овој модел набргу стана ѕвезда по успешните филмови на Disney, за автомобилот со име Herbie.

„Бубата“ евентуално би можела да се врати во иднина како електричен автомобил, најавија од Volkswagen.