Вести
Над 200 деца на листа на чекање за градинка во Гостивар
Трите градинки во склоп на Јавната установа „Детска Радост“ во Гостивар, се претесни за да ги соберат сите дечиња пријавени за упис. Кај родителите постои се поголем интерес, што ја прави листата на чекање долга. Моментално на листата има над 200 деца. За да може да се задоволат потребите и барањата на родителите, неопходно е да се изгради барем уште еден објект.
„Листата на чекање се намали, но сепак е голема. Се надевам дека во 2019-та година, од страна на Министерството за труд и социјала ќе имаме одобрен проект за изградба на нова градинка со капацитет од 100 деца. Сепак, за сега не можеме ништо со сигурност да кажеме, треба да почекаме да видиме што носи времето. Нова градинка би била најголемата радост за родителите и дечињата во Гостивар“, изјави Наташа Саздовска, директор на Јавната установа „Детска радост“
Најголеми реакции на незадоволство поради недостиг на градинка, до сега стигнувале од родители од околните гостиварски населби: Дутлок, Циглана, Малеарди и други. Тоа се должи на фактот што објектите на трите градинки: Пролет, Цветови и Пчелка се лоцирани прилично блиску еден до друг.
На последната седница на Советот на општина Гостивар беа усвоени одлуки со кои се овозможи отворање на Центри за ран детски развој, еден вид градинки за престој на деца од 3 до 5 години, во Чегране, Равен и Форино.
Инаку, во гостиварските градинки бројката на згрижени деца се движи околу 720, што го надминува капацитетот и резултира со преполни групи со над 35 деца.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот