Гостивар вечерва се гуши во загаден воздух

Екстремно високи вредности на загаденост покажува мерната станица за квалитет на воздухот, вечерва во Гостивар. Измерени се 321 микрограм на метар кубен, штетни ПМ10 честички, што е над шест пати повеќе од дозволената граница.

„Воздухот има над-нормално загадување од овој тип. Избегнете подолги периоди на отворена површина. На мали деца, стари лица и бремени жени им се препорачува да не излегуваат без посебна потреба.“, стои во препораката на Мој Воздух, кадешто се објавуваат податоците.

Загаденоста во Гостивар денес почнала да се зголемува од 18 часот, а последните мерења се од 21 часот, кога градот е на трето место по нечист воздух во земјава, веднаш после Струмица и скопскиот регион.

Гостивар 13.01.2019, фотографирано во 16 часот.