Гостиварец е тешко повреден во судир на „туран“ и скутер

Педесет и седумгодишен гостиварец завршил со тешки повреди во сообраќајна несреќа, која се случила вчера во Гостивар.

Како што соопшти МВР, вчера во 12.10 часот било пријавено дека во Гостивар на крстосницата од улицата “Бранко Станоевиќ“ со улицата “Павле Аврамоски“ се случила сообраќајна незгода помеѓу патничко моторно возило “Туран“ со гостиварски регистарски ознаки, управувано од 62 годишниот Ќ.Ф. од Гостивар, и скутер “Јонвај“ управуван од В.Г. на возраст од 57 години од Гостивар.

Возачот на скутерот се здобил со тешки телесни повреди и бил пренесен во гостиварската општа болница. Извршен бил увид на местото на настанот од увидна екипа од Полициската станица Гостивар.