Членовите на „Заедно можеме“ до Шпенди Салија: Ти благодариме од срце за неизмерната поддршка и помош!

Во знак на благодарност за ангажманот и хуманитарната помош што ја обезбедува во услови на пандемија и за месецот Рамазан, членовите на Здружението „Заедно можеме“ од Гостивар, на претседателот Шпенди Салија денес му приредија изненадување со доделување на официјална благодарница и скромен подарок.

Како претседател на Здружението „Заедно можеме“ од Гостивар, кое е насочено кон помош на децата со посебни потреби, Салија изминатиот период постојано беше активно на терен. За време на рамазанскиот пост секојдневно делеше ифтарска вечера за семејствата кои имаат деца со попречености, како и облека, обукви и играчки, донирани од фирми и поединци. Од почетокот на пандемијата, обезбедува и хуманитарни пакети за семејствата.

Во своите изјави вели дека на дечињата најважно им е вниманието, а не она што ќе го добијат како донација. Денес, и самиот беше трогнат од нивното внимание и приреденото изненадување.