Гостивар
За паушали на советниците во Гостивар годишно одат над 100 илјади евра
Вкупната годишна сума што ја добиваат членовите и претседателите на општинските совети во земјава надминува 215 милиони денари или нешто над 3,5 милиони евра. Според истражувањето што го направи Центарот за граѓански комуникации најголеми годишни трошоци за советниците од 214 илјади евра има Градот Скопје. Следува Куманово со околу 115 илјади евра, а Гостивар, заедно со Тетово и Битола е на третото место, со околу 104 илјади евра. Месечно членовите на Советот на Општина Гостивар добиваат надоместок од 16.993 денари, а претседателот 22.091 денари. Висината на паушалот зависи од бројот на жители во општината и е определен како процент од просечната плата. Претседателите на Советите добиваат 30 % повисок надоместок од советниците.
Услов да го добија паушалот е да имаат одржано најмалку една седница во месецот. Просечно, општинските совети во земјава одржувале по 15 седници годишно. Гостивар е под тој просек со 13 седници во годината.
Од руралните општини во Полог, највисоки надоместоци земаат советниците во Врапчиште, 17.040 денари, додека најниски во Маврово Ростуше, 9.710 денари месечно.
Од Центарот за граѓански комуникации наведуваат дека истражувањето, се реализира во рамките на активноста Јавно трошење за јавно добро, поддржана од УСАИД. Целта е зголемување на ефективноста на јавното трошење преку намалување на корупцијата и зголемување на транспарентноста.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот