Викенд временска прогноза

Продолжениот празничен викенд ќе помине со релативно стабилно и доста топло време.

Метеоролозите за денес, петок, прогнозираат стабилни временски прилики, со сонце и мала облачност и слаб до умерен ветер од јужен правец. Температурата ќе се движи во интервал од 12 до 25 степени. Сонцето изгреа во 5 часот и 34 минути, а ќе зајде во 19 часот и 33 минути.

Во сабота (1 мај) ќе владее умерено облачно време со слаб до умерен ветер од јужен правец. Кон крајот на денот и во текот на ноќта кон недела ќе има услови за повремен локален дожд. Максималната дневна температура ќе достигне до 28 степени. Топло ќе биде и во недела (2 мај) кога претпладне ќе има облаци на небото, но попладне облачноста ќе се намали. Ќе дува умерен, до засилен југозападен ветер. Високи температури до 29 степени и сончево време се прогнозираат и за понеделник.