Триесетина казни во Гостивар за непрописно престигнување

Вчера (23.03.2022) во периодот од 10.00 до 15.00 часот спроведена е зајакната акциска контрола за санкционирање на возила кои непрописно престигнуваат, при што санкционирани се вкупно 45 возачи (Тетово-14 и Гостивар-31).

„На сите прекршители изготвени им се соодветни поднесоци и ќе се соочат со законски предвидените парични глоби. Во контролата биле санкционирани и 6 други видови сообраќајни прекршоци. Засилените акциски контроли продолжуваат и во наредните денови.“, соопшти полицијата

СВР Тетово апелира до возачите да ги почитуваат сите сообраќајни знаци, правила и прописи и посебно да внимаваат кога и каде престигнуваат, зашто поради непрописно престигнување, пред се на забранети места, неретко се случуваат и сообраќајни несреќи.