Гостивар
Во исчекување: Кој ќе добие клуч од социјалните станови во Гостивар?
Социјалци, семејства со лица со посебни потреби, Роми и други ранливи категории од Гостивар се во исчекување на конечниот одговор: Ќе добијат ли стан во зградата за социјални домувања?. Огласот за конкурирање беше затворен пред еден месец, а според последните информации кои Gostivarpress.mk ги доби од Министерството за транспорт и врски, поднесени се 196 комплетни апликации, во тек е нивно прегледување, по што ќе следува прелиминарна распределба.
„Ве информираме дека пристигнати се 196 апликации. Во овој момент се врши евалуација и преглед на пристигнатите документи. Според постапката за распределба, потребно е најпрво да се изврши прелиминарна распределба, па потоа Комисијата излегува на терен и врши увид на фактичката состојба на апликантите.“, стои во одговорот од Министерството.
Додека кај лицата и семејствата кои поднеле барање расте неизвесноста, на процедурата сепак, не и‘ се гледа крајот во скоро време. На прашањето „Дали има временска рамка кога би се направила распределбата?“ , не добивме конкретен одговор.
Социјалната зграда се наоѓа на улицaта „ЈНА“, покрај Кејот на Вардар. Становите кои ќе се доделуваат се со површина од 33 до 44 метри квадратни.
Како што веќе пишувавме, и по распределбата становите ќе останат во сопственост на државата, а семејствата што ќе ги добијат ќе бидат само корисници.
После пет години институциите ќе извршат контрола и доколку семејството излегло од социјален ризик, станот ќе биде доделен на друго ранливо семејство. Тоа се прави со цел да се згрижат оние кои реално имаат потреба и да спречат обиди за манипулација, односно препродажба на становите.
Зградата беше изградена пред околу 3 години, а 70-те станови се‘ уште се празни.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот