Гостивар
Активни мерки во Гостивар: Потпишани над 140 договори за вработувања и за практиканство
Повеќе од 140 невработени граѓани на гостиварското подрачје, изминатиот период работно се ангажирани преку владините активни мерки за вработување. Станува збор за мерките: субвенционирање на плати, поддршка на мали и средни претпријатија и практиканство.
Во делот на субвенции за плати, потпишани се договори за вработување на 60-тина лица во различни фирми. На сметките на компаниите ќе легнат средства за плати и придонеси за овие работници за период од една година.
„Средствата на фирмите им се исплаќаат еднократно за 12 месеци, по 19.000 денари месечно, за да се покријат платите и придонесите. Услов е работодавачот да го задржи лицето на работа уште 18 месеци, значи вкупно 30 месеци да биде на работа“, вели Хисен Амзаи, раководител на Центар за вработување во Гостивар.
Во мали и средни претпријатија преку мерката за поддршка се оствариле 17 вработувања. Висината на парите кои ги добиваат работодавачите со оваа мерка, зависи од возраста на ангажираните невработени лица.
„За вработување на лица до 29 годишна возраст фирмата добива 2.500 евра неповрати средства во опрема или репроматеријали. За лица над 29 години, износот на помошта е 1.500 евра, исто така во опрема или репроматеријали. И при оваа мерка, работодавачите имаат обврска да ги задржат лицата на работа, 12 односно 9 месеци“, вечи Амзаи.
Договори за практиканство се потпишани со 67 лица. Тие ќе посетуваат практична работа во период од три месеци, за кој државата ќе им исплаќа по 9.000 денари.
За сега, поради вонредната состојба со коронавирусот не се отворени други огласи за користење мерки за вработување.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот