Арслани: Патниците и возачот на автобусот со кој патувала пациентката од Гостивар се во домашна изолација

„Епидемиолошките служби постапуваат согласно протоколот и во сите случаи исклучиво според епидемиолошката стручна проценка. Сите патници и контакти со пациентката се пронајдени, преземени се соодветните мерки и сите се ставени во домашна изолација. Исто така и возачот на автобусот“, изјави заменик министерот за здравство Арменд Арслани, одговарајќи на новинарско прашање од Gostivarpress.mk: Какви мерки се преземени, со оглед на тоа дека заболената пациентка од Гостивар во земјава допатувала од Германија со автобус, дали се пронајдени и исконтактирани сите патници и возачот.

Според последните податоци со кои располагаме, а важат заклучно со 7 часот наутро, на гостиварското подрачје 147 лица имаат потпишано изјави за самоизолација.