ДЗС за просечната плата: Највисоката 1.000 евра, најниската 230

Државниот завод за статистика објави дека просечната месечна исплатена нето-плата  во ноември 2019 година, изнесува 25.787 денари, што во однос на истиот месец 2018 година е зголемување за околу 5%.

„Ваквото зголемување се должи, пред сѐ, на зголемувањето на платите во секторите транспорт и складирање (9,5%), преработувачка индустрија (8,9%) и дејности на здравствена и социјална заштита (8,2 %). Зголемување на просечната месечна исплатена нето-плата по вработен, во однос на претходниот месец, е забележано во секторите административни и помошни услужни дејности (3,8 %), стручни, научни и технички дејности (2,1%) и објекти за сместување и сервисни дејности со храна (1,6 %)

Највисоките просечни плати од 60.717 денари ги имаат компјутерските програмери, додека најниските се пресметани за вработените во заштитни и истражни дејности (14.131 денар) и кожарска индустрија (16.245).