Група гимназијалци од Гостивар беа дел од проект во Турција

Шест ученици од гостиварската гимназија, предводени од професорката Аребан Солејмани, десетина дена престојуваа во Бурса, Турција, во рамки на Програмата Еразмус. Учениците Албанци, Македонци и Турци учествуваа во проектот на тема “All start with Music” (Сè започнува со музика) заедно со младинци од Турција и Италија, од кои дел со потекло од Пакистан.

“Музиката има за цел да ги зближи луѓето. Нашите активности беа најразлични, како на пример пеење на градскиот плоштад и во еден голем трговски центар со инструменти, пеење со кореографија,, презентација на специјалитети од земјите од кои доаѓаат учесниците, креирање на детски игри со користење ма музика при играњее и друго”, објаснува професорката Арбена Солејмани.

Директорот на гимнзијата, Дритан Имери информира дека покрај учеството во работилни и креативните активности учениците, го посетиле и градот Бурса и околината кадешто се сретнале со граѓани кои потекнуваат од нашите краишта.