ЈП Комуналец Гостивар доби ровокопач како донација

Јавното претпријатие Комуналец од Гостивар го поднови возниот парк со ново специјализирано возило багер ровокопач натоварувач. Возилото е донација обезбедена преку проектот за намалување ризици од поплави во полошкиот регион, што се финансира преку Швајцарската Амбасада и Швајцарската агенција за развој и соработка. На примопредавањето на донацијата присуствуваше и градоначалникот на Гостивар Арбен Таравари.

„Со оваа донација, Општина Гостивар значително ќе го подобри квалитетот на услуги за граѓаните. Багеpот е донација од Швајцарската Амбасада во Скопје, во рамки на проектот Подобрување на отпорноста на поплави во Полошкиот регион, имплементиран од страна на УНДП. Благодареност за помошта од Швајцарската Влада, која досега во нашиот град има финансирано повеќе капитални активности преку различни проекти.“, изјави градоначалникот Арбен Таравари.

Директорот на Комуналец Исак Лазами исто така се заблагодари на донацијата и нагласи дека возилото ќе биде од значитална корист во работните активности на претпријатието.