Карамбол на патот Гостивар-Кичево, едно лице е тешко повредено

Во судир на пет возила на магистралниот пат Гостивар-Кичево, пред  Здуњски мост, со тешки телесни повреди завршило едно лице. Според информациите од СВР Тетово, несреќата се случила вчера (25 ноември) во 9 часот и 50 минути, а во неа учествувале: „цитроен саксо“ со гостиварски регистарски ознаки, управувано од 39 годишниот Е.М. од Сенце, товарно возило „мерцедес“ со тетовски регистарски ознаки, управувано од 43 годишниот Г.Б. од Тетово, патничко возило „пежо“ со регистарски ознаки на АРМ, управувано од 33 годишниот К.С. од Кичево, патничко возило „пежо“ со охридски регистарски ознаки, управувано од С.И. на возраст од 27 години од Охрид и патничко возило „мерцедес“ со струшки регистарски ознаки, управувано од А.Ш. на возратс од 39 години од струшко .Лабуништа.

Во незгодата со тешки телесни повреди се здобил возачот Е.М. и бил пренесен во Oпштата болница Гостивар за укажување на лекарска помош.

Увид на местото на несреќата извршила екипа од Полициска станица Гостивар.