Ќе се отпишуваат камати за наплата на долгови

Граѓаните ќе бидат ослободени од каматите за наплата на долгови по одредени основи. Станува збор за камапти за наплата на долгови што произлегуваат од услуги од вршители на комунални дејности, телефонија, мобилни и кабловски оператори, одржување на заеднички простории, наводнување и одводнување на земјоделско земјиште. Изготвен е предлог закон кој предвидува отпишување на каматата, што се пресметува од поднесување на тужбата за присилна наплата на паричниот долг, до конечна исплата на паричното побарување.

Со вакви проблеми се соочуваат илјадници граѓани во земјава. Ситуацијата датира од 2011 година, кога извршните предмети од судовите се пренесени кај нотарите, а од таму завршуваат кај извршителите. Поради тоа, граѓаните се соочија со големи затезни и казнени камати за предмети за кои не ни знаеле дека постојат, ниту пак дека има предлози за присилна наплата.

Очекувањата се дека Законот ќе биде донесен за околу еден месец.