Вести
Кој е причинителот на цревната инфекција во Гостивар?
Надлежните медицински служби се уште вршат анализи и испитувања за да се утврди точната причина за зголемениот број на граѓани со цревна инфекција изминатите денови во Гостивар. Сите пациенти имале слични симптоми: повраќање, стомачни болки, температура, дијареа. Анализите на крвта укажувале на бактериска инфекција, но до сега кај ниеден пациент микробиолошки не е потврдено присуство на бактерија.
Центарот за јавно здравје изврши вонредна анализа на водата од градскиот водовод. Мострите се земени во вторникот, од пет мерни места. Резултатите стигнале денес и не покажуваат загаденост.
„Микробиолошки и физичко хемиски водата е исправна и според тоа за сега нема никаква основа да се забрани за пиење. За дополнителни подетални анализи испративме вода на испитување и во Институтот за јавно здравје во Скопје“, изјави д-р Берун Мустафа, специјалист по хигиена.
Од Управата на гостиварската болница велат дека од вчера состојбата се стабилизира и се намалува бројот на пациенти на инфективното одделение.
„Моментално има пад на бројот на пациенти. Се преземаат сите мерки за анализи и контроли за да се види за што се работи. Тоа што го знаеме е дека не е од храна и единствено заедничко за сите пациенти е водата на која се прават дополнителни анализи и се очекуваат резултати. Инаку, кај пациентите до сега не е изолирана никаква бактерија“, рече Гојарт Сулејмани, директор на општата болница во Гостивар.
Увид во состојбата денес вршат и екипи од Министерството за здравство и Државниот санитарен инспекторат.
Лекарска помош од инфектолог изминатите денови во Гостивар побарале околу 440 граѓани со цревна инфекција. Не е исклучена можноста и дека се работи за вирус. Во меѓувреме додека се трага по причинителот, лекарите имаат само општи препораки до граѓаните: одржување на хигиена, темелно миење на овошјето и зеленчукот, правилна подготовка и употреба на храната.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот