Вести

Контролите низ гостиварските кладилници резултираа со кривична пријава

Објавено

пред 6 години

на

23/12/2017

Од

Gostivarpress.mk

Одделот за сузбивање на организиран и сериозен криминал при МВР поднесе четири кривични пријави до ОЈО Тетово и ОЈО Гостивар, против лица од Тетово, тетовско Камењане и 49 годишен гостиварец поради постоење основано сомнение дека сториле кривично дело „приредување на игри на среќа без лиценца, односно дозвола од надлежен орган“ , соопшти МВР.

МВР заедно со екипи на Управата за јавни приходи изминатиот период извршија контроли во повеќе спортски обложувалници на подрачјето на Тетово и Гостивар, меѓу кои и објект на ул.„Браќа Ѓиновски“ во Гостивар. УЈП констатирала дека пријавените приредувале игри на среќа без регистрирана фирма и без лиценца во просториите кои што ги користеле. Биле изготвени записници за извршената контрола и донесени Решенија со кои се забранува приредување игри на среќа во деловните простории кои ги користеле пријавените во траење од 30 дена.

Привремено биле одземени: парични средства, затекнатата документација, (ливчиња за уплата, уплатени тикети, билтени за обложување и друго), како и телевизори, компјутери, апарати за издавање тикети и др.

Согласно издадените Наредби од надлежното ОЈО, одземените предмети се предадени со Записник за приморедавање на одземени предмети во депото Идризово на Агеницијата за управување со одземен имот, а одземените парични средства со записник се предадени во надлежното ОЈО, наведуваат од МВР.

Сподели ја веста:

Поврзани теми:

Следнo

Наставниците ќе земат плата – Закажана Седница на Советот во понеделник

Не пропуштај

Засилени контроли на паркирањето во Гостивар