Конвенција на Коалицијата Алијанса за Албанците (НДП-Унитети) во Гостивар

Коалицијата Алијансата за Албанците (НДП-УНИТЕТИ) вечерва одржа Конвенција во летниот амфитеатар во Гостивар на која ги претстави кандидатите за градоначалник и советничките листи со кои настапува на локалните избори во општините Куманово, Дебар, Чаир и Гостивар.

„ Ние имаме кандидат со знаење и квалитет да раководи со општината. Тоа е млад кандидат, некорумпиран, без дамки на својата личност и со визија за подобар Гостивар“, рече Весел Мемеди, претседател на НДП.

На Конвенцијата во Гостивар свои обраќања имаа и кандидатот за градоначалник од Коалицијата Алијанса за Албанците, Шпат Исеини и носителот на листата,  Љуљета Хазири.

„Имаме најдобра и најорганизирана екипа. Експерти ги анализираа проблемите и ги одредија приоритетите на кои посветено ќе работиме. Нудиме најдобри решенија за вас и вашите семејства, да создадеме сигурна иднина, тука во Гостивар“, потенцираше Шпат Исеини, кандидат за градоначалник на Гостивар.

„Ќе направиме гостиварци да се чувствуваат побезбедно, и да добијат модерна инфраструктура и деполитизација на образованието. На учениците има требаат книги и знаење, а не политика. Граѓаните пак, треба да бидат повеќе вклучени во донесувањето одлуки на локално ниво, и нивниот глас да се слуша не само за време на избори, туку воопшто“, рече Љуљета Хазири, носител на советничката листа.

Обраќање на конвенцијата имаа и Г’зим Острени, претседател на партијата „Унитети“,  кандидатот за градоначалник на Дебар, Шкељќим Џафа и носителот на листата за Куманово, Џавиде Зимбери Ебиби.