Не одете покрај реки и брегови, поради невремето има опасности

Од вчера невечер, Македонија е под влијание на циклон, проследен со обилни врнежи, силен ветер и грмежи. зафатена Дирекцијата за заштита и спасување апелираше граѓаните да не се движат покрај реките и речните брегови. Од таму нагласуваат дека ја следат состојбата.

„Согласно Законот за заштита и спасување и најавата на УХМР за нестабилно време проследено со локален пороен дожд, грмежи и град, предизвикано од циклонска активност, Дирекцијата за заштита и спасување ја следи ситуацијата и навремено ги извести сите подрачни одделенија за заштита и спасување како и Единиците на локалната самоуправа за превземање на мерки во своите надлежности. Дирекцијата за заштита и спасување АПЕЛИРА до граѓаните да не се движат покрај реките и речните брегови низ земјата.“, стои во нивното соопштение.

Според прогнозите на УХМР, нестабилното време со поројни дождови ќе продолжи и во наредните денови.