Неколку физички напади и тепачка за паркинг во Гостивар изминатите 24 часа

Во последното деноноќие полицијата на гостиварско подрачје регистрира неколку физички напади и тепачка. Во продолжение информациите од полицискиот билтен:

Ноќеска во 1 часот и 55 минути после полноќ, 58 годишниот Ш.Б. од Добридол во СВР Тетово пријавил дека вечерта околу 19 часот и 30 минути во селото физички бил нападнат од неговиот соселанец З.Л.. Во пресметката подоцна се вклучиле уште две лица, нивни најблиски, а поради претходни нерасчистени должничко-доверителни односи.

Полициски службеници на СВР Тетово-Одделение за внатрешни работи Гостивар, вчера (25 декември) во 10 часот и 15 минути ги лишиле од слобода А.Д.(27), А.Д.(21) и И.Д.(48) од Гостивар поради сомнение за нивна инволвираност во физичка пресметка која се случила на улица „Шуматовска“, а во која учествувале и Б.Ј.(24), Ф.Ј.(51) и А.Ј.(27), исто така, од Гостивар. Во пресметката, според пријавеното, бил користен и остар предмет, додека причина за истата биле недоразбирања околу паркирање на возилата.

Дваесет и шестгодишниот гостиварец А.А., рано утрово  во 4 часот и 40 минути во СВР Тетово пријавил дека четириесетина минути пред тоа на улица „Гоце Делчев“ во Гостивар физички бил нападнат од едно лице.

Ноќескаво 1 часот и 30 минути после полноќ, Ј.И.(21) од гостиварско Чајле во СВР Тетово пријавил дека на автопатот Гостивар-Тетово бил физички нападнат од едно лице од тетовско. На нападот му претходела нивна меѓусебна расправија во угостителски објект во Тетово, каде престојувал заедно со уште три лица.

Полицијата известува дека се преземаат мерки за расчистување на случаите.