Од денес журкање во кафулиња и ресторани може и внатре, но без музика во живо…свадби и веселби се уште се забранети

Угостителските објекти веќе може да примаат гости и во внатрешноста, за разлика од претходно кога беше дозволено само во отворените тераси. Правилата, сепак остануваат строги и под протоколи за заштиота од коронавирус. Така, организирањето на прослави, како свадби, родендени и слично останува забрането, а исто така не смее да се прават и забави со музика во живо.

Во продолжение прочитајте ги целосно протоколите.

Протокол за отворање и работа на угостителските објекти за исхрана

1. Вработените во угостителскиот објект кои послу-жуваат задолжително носат заштитни маски и зачесте-но одржуваат хигиена на раце.

2. Се ограничува бројот на гости, ќе се послужуваат само гости кои може да седат и лица кои преку шалтер ќе подигнуваат нарачки.

3. Не е дозволено послужување на гости на стоење на шанк и стоечки маси.

4. Задолжително менаџирање на влегување на гостите. Од редено одговорно лице пред влезот на угости-телскиот објект.

5. Во просторот за послужување на гости каде има поставено маси, да се обезбеди растојание од столче до столче од 1,5-2m со соседните маси во сите правци.

6. На една маса со четири столици може да седат и да се послужуваат максимум две лица.

7. На една маса со четири столици може да се по-служуваат четири лица доколку се од исто семејство.

8. Дозволен е максимален број на 12 лица на споени маси заедно со задолжително растојание помеѓу секој гостин од 1.5m.

9. Задолжително поставување на дезинфекционо средство за раце на секоја маса.

10. Засилени внатрешни контроли на вработените лица од страна на одговорно лице за одржување на личната хигиена (често миење раце) во сите фази на подготовка, прием и послужување на храна.

11. Засилени санитарно-хигиенски мерки, пребри-шување на масите со средство за дезинфекција кое де-лува на вируси според упатство од производителот при заминување на гостите од секоја маса.

12. На крајот на смената задолжително механичко чистење и дезинфекција со средство кое делува на ви-руси според упатство од производителот, алтернативно може да се користи 0,05% натриум хипохлорит (5% бе-лило за домаќинство кое се користи во размер 1:100) или 70% алкохол за дезинфекција на горни површини. Редовно одржување на тоалетите со задолжително во-дење на евиденција за спроведеното чистење и употреба на горенаведените дезинфекциони средства.

13. Забрането е користење на сушачи за раце во тоалетите и задолжително користење на хартиени бришачи за раце за еднократна употреба.

14. Забрането организирање на прослави (свадби, родендени, крштевки и сл.) во отворен и затворен дел од објектот.
15. Забрането организирање на музички настани во отворен и затворен дел од објектот.

Протокол за отворање и работа на кафетерии

1. Вработените во угостителскиот објект кои послу-жуваат задолжително носат заштитни маски и зачесте-но одржуваат хигиена на раце.

2. Се ограничува бројот на гости, само на тие кои може да седат.

3. Не е дозволено послужување на гости на стоење на шанк и стоечки маси.

4. Задолжително менаџирање при влегување на гостите од одредено одговорно лице пред влезот на угос-тителскиот објект.

5. Во просторот за послужување на гости, каде има поставено маси, да се обезбеди растојание од столче до столче од 1,5-2m со соседните маси во сите правци.

6. На една маса со четири столици може да седат и да се послужуваат максимум две лица.

7. На една маса со четири столици може да се по-служуваат четири лица доколку се од исто семејство.

8. Задолжително поставување на дезинфекционо средство за раце на секоја маса.

9. Засилени внатрешни контроли на вработените лица од страна на одговорно лице за одржување на личната хигиена (често миење раце) во сите фази на подготовка, прием и послужување на пијалоци.

10. Засилени санитарно-хигиенски мерки, задолжи-телно пребришување на масите со средство за дезин-фекција кое делува на вируси според упатство од про-изводителот, по заминување на секоја тура на гости.

11. На крајот на смената задолжително механичко чистење и дезинфекција со средство кое делува на ви-руси според упатство од производителот, алтернативно може да се користи 0,05% натриум хипохлорит (5% белило за домаќинство кое се користи во размер 1:100) или 70% алкохол за дезинфекција на горни површини.

12. Редовно одржување на тоалетите со задолжи-телно водење на евиденција за спроведеното чистење и употреба на горенаведените дезинфекциони средства.

13. Забрането е користење на сушачи за раце во тоалетите и задолжително користење на хартиени бришачи за раце за еднократна употреба.

14. Забрането организирање на прослави (веселби, родендени и сл.) во отворен и затворен дел од објектот.

15. Забрането организирање на музички настани во отворен и затворен дел од објектот.