Гостивар
Општината постави Инфо центар на плоштадот, ДУИ вели се попречува движењето на граѓаните
Деновиве на градскиот плоштад во Гостивар се монтира привремен објект, во кој ќе биде сместен Туристички инфо центар. Проект го спроведува Општина Гостивар во соработка со Центарот за развој на Полошкиот плански регион, а е финансиран од Министерството за локална самоуправа и швајцарската Агенција за развој и соработка.
„Во Туристичкиот инфо центар посетителите ќе можат да се запознаат со културното наследство, природните убавини, хотелските капацитети и слично на гостиварскиот регион. Се очекува центарот да биде пуштен во употреба наскоро, а тимот вработени ќе дели летоци и други промотивни материјали, како и потребни информации.“, соопштија од општината.
Од огранокот на ДУИ во Гостивар реагираа на поставувањето на Инфо центарот на плоштадот, потенцирајќи дека објектот го попречува движењето на граѓаните.
„Многу граѓани изразија загриженост заради поставување на објектот на плоштадот. Демократската унија за интеграција во Гостивар го поддржува проектот како добра можност да се промовира Гостивар и неговата околина како туристичка дестинација, но локацијата е дискутабилна, бидејќи објектот се наоѓа на градскиот плоштад. Ваквиот чекор е направен без консултација со граѓаните на Гостивар, на кои им е одземено правото на користење на јавниот простор што им припаѓа. Со објектот се узурпира важен дел од градскиот плоштад. Градот Гостивар има идеални јавни места за оваа намена и тоа нема да влијае на јавниот простор на градскиот плоштад. Би било добро Инфо туристичкиот центар да се наоѓа на соодветно место каде притоа нема да го попречи слободното движење на граѓаните.“, се наведува во реакцијата на ДУИ.
Од општината пак нагласија дека проектот наишол на позитивен прием кај граѓаните. „И покрај тенденциите на одредени кругови да го оцрнат овој проект, тој одлично се прифати од страна граѓаните на Гостивар и се оцени како многу умесен, особено поради фактот што Гостивар, познат како гостопримлив град, тоа ќе го докаже отсега понатаму и со суштинско информирање на посетителите за она што го нуди нашата општина. За поставување на привремениот објект, издадено е Одобрение под бр. 14-1629/2 од 08.01.2020 година, врз основа на претходна Одлука на Советот на општината која беше едногласно усвоена со 31 глас на советниците.“, рекоа општинските власти.
Туристичкиот инфо центар е проект вреден над 20.000 евра, во кој Општина Гостивар партиципира со обезбедување на просторот и тековните трошоци за вработените. Истиот ќе трае 5 години со можност за продолжување на подолг период.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот