Општината во посета на Дневниот Центар и специјалните паралелки од ОУ„Исмаил Ќемали“

По повод Меѓународниот ден на лицата со посебни потреби, 3-ти декември делегација од општина Гостивар денес ги посети дечињата во Дневниот центар за деца со посебни потреби и специјалните паралелки во ОУ “Исмаил Ќемали” и им подели скромни симболични подароци.

“Ова е прв пат, ние како претставници на новото раководство на Општина Гостивар, да го посетиме Дневниот центар и специјалните паралелки за деца со посебни потреби. Како што покажавме од првите денови од мандатот, ќе соработуваме тесно и во континуитет со сите релевантни фактори во општеството за подобрување на квалитетот на живење на лицата со посебни потреби. Им поделивме симболични подароци на децата и со тоа сакаме да испратиме порака дека тие не се заборавени од институциите и дека грижата за нив ќе биде постојана”, се наведува во изјавата на Аслијан Снопче, раководител на општинскиот Сектор за јавни дејности, испратена во соопштение за медиумите.