Пациентите со ковид и лица во изолација за гласање се пријавуваат до 8 јули – објавено е упатството

Пациентите со ковид кои се во домашен карантин и лицата во изолација, за да го остварат своето право на глас на Парламентарните избори, треба да се пријават до општинските изборни комисии до 8 јули.

За начинот на пријавување и спроведување на гласањето кај овие лица, Државната изборна комисија објави посебно Упатство. Тие ќе гласаат на 13 јули (понеделник), а за да го остварат правото на глас, известувањето дека им е пропишана мерка да не излегуваат од дома ќе треба да го достават до општинската изборна комисија преку полномошник или по електронски пат.

Гласањето кај позитивните од коронавирус и лица во изолација ќе го спроведат посебни  одбори со по 3 здравствени работници. Гласачот мора да има заштитни маска и ракавици и гласачкото ливче, откако ќе гласа го става во посебен плик, го залепува и го става во гласачката кутија.