Повредено лица во судар на автомобил и мопед во гостиварска Питарница

Едно лице е повредено во несреќа што се случила вчера попладне во Гостивар.

СВР соопшти дека вчера (17 јуни) околу 17 часот и 50 минути на регионалниот пат Гостивар-Чегране, во населбата Питарница, се случила сообраќајна несреќа во која учествувал „фолксваген голф“ со гостиварски регистарски ознаки, управуван од 62 годишниот Н.М. од гостиварско Чајле и мопед „јуајуе“, исто така, со гостиварски ознаки, што го управувал 79-годишниот Љ.Т. од истото село.

Во незгодата, мопедистот задобил тешки телесни повреди и бил пренесен во гостиварската Општа болница „Ферид Мурад“ за укажување на лекарска помош, извести полицијата.

Увид извршила екипа од Одделението за внатрешни работи Гостивар.