Презентација и увид во текот на проектот за подобрување на водоснабдителниот систем на Гостивар

Експерти од Швајцарија, претставници на ЈП “Комуналец” и на општина Гостивар, деновиве извршиле увид во изградбата на новиот резервоар што се рализира во рамки на проектот за подобрување на системот за водоснабдување во Гостивар.

Од општинската служба за информирање соопштија дека Управниот одбор на проектот ја одржал осмата седница по ред, на која консултантите ја презентирале втората фаза од проектот.

„Директорот на “Комуналец” Исак Лазами, ги увери претставниците на Швајцарскиот  државен секретаријат за економски прашања(SECO) дека јавното претпријатие и општина Гостивар, ќе работат интензивно во спроведувањето на овој проект од витално значење за граѓаните за да се избегнат доцнењата што се појавија во текот на претходниот мандат“, стои во соопштението.

Проектот “Подобрување на системот за водоснабдување во општина Гостивар”, се овозможува со грант од SECO , кредит од германската банка KFW, како и учество со услуги на Општина Гостивар. Вкупната вредност на проектот, во сите фази, изнесува 7.200.000 евра.