Се шири грипот – Во Гостивар над 500 заболени

Вирусот на грип зема замав, како во целата земја, така и на гостиварското подрачје. Според последните податоци од Институтот за јавно здравје, во Македонија има вкупно 2.718 заболени, додека во Гостивар се над 500 што го става на второ место, веднаш по Струмица.

Извршените лабараториски анализи врз примероци земени од заболени пациенти, покажале дека циркулираат вируси Тип А и Б. Најголем дел од заболените се на возраст од 15 до 64 години.

Грипот започнува да се манифестира нагло со силни симптоми: висока температура, јаки болки во мускулите, зглобовите, главоболка, малаксаност. Потоа се јавуваат и проблеми со  респираторниот систем: засипнатост, кашлица, болки во грлото, а може да дојде и до воспалување на очите. Болеста обично трае од 5 до 7 дена.

Се очекува пораст на активноста на вирусот и достигнување на пик на сезоната на грип во текот на следните недели.

Периодов лекарите во Гостивар имаат полни раце работа и со зголемениот број на пациенти со разни настинки, вирози и инфекции на горните дишни патишта.