Симона Мицоска победник на Вешта жена 2019 во Гостивар

Гостиварката Симона Мицоска за трпезата наречена „Судија на отменоста“ ја понесе титулата Вешта жена на Гостивар за 2019-та година. Манифестацијата преку која припадничките на понежниот пол добиваат можност да ги покажат своите кулинарски вештини и креативност за декорирање свечена маса, се одржа вчеравечер.

Покрај Симона, во натпреварувачкиот дел учествуваа: Лулјета Селмани со трпеза „Ѓурѓовден“, Бела Агаи со „Шарена трпеза“

и Гордана Мицоска со „Свети Трифун“

Гран При масата, годинава ја подготви Елизабета Питулкова и ја нарече „Фантазија“

„Многу е позитивно што најголемиот дел од учесничките во сите градови што досега ги пројдовме, па и во Гостивар, се млади жени. Ние повозрасните велиме дека многу знаеме, но од младите навистина има што да се научи.“, изјави Снежана Стојановска, претседател на здружението Вешта жена.

Победничката од синоќешната манифестација, Симона Мицоска ќе го претставува Гостивар на Републичкиот натпревар Вешта жена, што ќе се одржи во мај во Лешок.