Гостивар
Стојаноска на средба со УМС: ВМРО ДПМНЕ се обврзува да ги обезбеди сите услови за младите
Носителот на листата за ИЕ 6 од Коалицијата „Обнова на Македонија“ предводена од ВМРО-ДПМНЕ, Дафина Стојаноска во денешната предизборна агенда во Гостивар оствари средба со членовите на Унијата на млади сили.Во своето обраќање истакна дека иднината на младите е ставена на коцка и тие од разочарување се иселуваат од државата.
„Младите се силата на Македонија, а ние возрасните и политичарите треба да сме доволно мудри за да ги задржиме дома и да станат иднината на Македонија. За жал, сведоци сме како нашите млади секојдневно си заминуваат далеку од Македонија, барајќи подобар живот. Заминуваат, разочарани од ветувањето за живот дома, ветување кое се претвори во една голема лага. И на тој список од млади луѓе кои си одат има секакви имиња. Александар, Аднан, Мухарем, Стефан… На тој список нема никакви поделби. Сите овие млади луѓе кои си заминуваат имаат едно заедничко нешто: не сакаат да живеат во земја во која неправдата е закон, а криминалот е единствен начин за успех.
Наша должност како родители е да го смениме тоа. Се работи за нашите деца. Тие сакаат да останат овде, но да имаат пристоен живот и вистинско образование, од кое ќе станат вредни и креативни луѓе кои ќе ја градат и водат државата еден ден. Ќе ја сакаат својата татковина и ќе се гордеат со нејзиното знаме и химна. Со нејзиното име. Македонија мора да се обнови, а сите обнови почнуваат од и со младите. Затоа во име на ВМРО-ДПМНЕ и коалицијата за обнова на Македонија, како и од името на Унијата на млади сили на ВМРО-ДПМНЕ, се обврзуваме дека обновата ќе ги обезбеди сите услови кои еден млад човек треба да ги ужива во својата земја.“, изјави Стојаноска повикувајќи на поддршка за престојните избори: „Ве повикувам бунтовно и гордо, како што доликува на младоста, на 15 јули да излезете и заедно да ја обновиме и вашата иднина. Не ја менувајте земјата, сменете ја власта! Заокружете бр 14.“.
Носителот на листата од ВМРО ДПМНЕ заедно со кандидатите за пратеници ја продолжуваат агендата во Гостивар со средба со Унијата на жени, спортски работници и посета на населбата Дутлок.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот