Страшна несреќа со три жртви кај Лесковац – превртен автобус со македонски таблици

Српските медиуми утрово јавуваат за страотна сообраќајна несреќа со три жртви, која се случила ноќеска, околу 1 часот и 45 минути по полноќ, на влезот од Лесковац,

Како што наведува Блиц, автобус со македонски регистарски таблици, кој се движел во правец од Скопје кон Белград, излетал од патот и се превртел. Три лица го загубиле животот, додека 32 се повредени.

Во регионот кадешто се случила несреќата владее големо невреме, проследено со интензивни снежни врнежи.

Се уште нема официјални информации за кој превозник се работи и од каде тргнал автобусот, чија крајна дестинација требало да биде Виена, Австрија. Во српските медиуми се споменуваат Прилеп и Штип, како места од каде тргнал автобусот, но потврда нема.