Гостивар
Светски ден на борба против ХИВ/СИДА – Во Гостивар годинава еден нов ХИВ позитивен случај
Годинава, Светскиот ден за борба против ХИВ-СИДА, 1-ви декември, Гостивар го дочекува со еден нов случај на заразен со ХИВ. Според податоците од Институтот за јавно здравје, се работи за машко лице на возраст од 19 години, кое вирусот го добило по хомосексуален пат. Случајот беше регистриран во јули и со него вкупната бројка на заболени на поширокото гостиварско подрачје достигна осум.
Првите три случаи на болни од СИДА во Гостивар се регистрираа во 2005 година. Потоа наредната година се регистрираше уште еден болен од СИДА, а во ноември 2011 беше потврден позитивен случај на лице заразено со ХИВ. Последните два хив позитивни случаи, пред годинешниот, на гостиварското подрачје беа едвидентирани во март 2016 година. Од четирите заболени од СИДА, едно лице е починато. Во однос на полот четири лица се од машки, а три се од женски пол.
Во епидемиолошкото одделение години наназад постои можност за правење тест за откривање на ХИВ/СИДА. Тестот е анонимен и бесплатен, но сепак мал број на граѓани се решаваат да се проверат. Лекарите препорачуваат тестирање особено за ризични групи: лица кои имале сексуални односи без заштита, корисници на дрога, сексуални работници и слично.
Први декември ширум светот се одбележува како Светскиот ден за борба против ХИВ-СИДА, а целта е да се едуцира населението за болеста, начините на заразување, заштита и да се промовира антидискриминација кон заразените.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот