Гостивар
Уписи средно Гостивар: Медицинско „фул“, во останатите училишта има слободни места
Во средното медицинско училиште во Гостивар пополнети се сите слободни места во паралелките на трите јазици уште во првото пријавување од јунскиот уписен рок.
Од општинскиот Сектор за образование информираа дека бројката на пријавени ученици во медицина е дури поголема од предвидените места според конкурсот. Останатите училишта, гимназијата, економско и техничко ќе примаат полуматуранти и во второто јунско пријавување.
„Во медицинското училиште не планираме да спроведуваме втор упис, затоа што веќе се пополни бројот. За 272 предвидени места се пријавиле 327 ученици, што значи дека треба да се изврши и селекција. Оние што нема да супеат да влезат во медицинското, да се распределат по другите училишта“, рече Аслијан Снопче, раководител на секторот.
Првиот упис на полуматурантите наместо два дена се спроведуваше четири, односно од вторник до денес до 13 часот.
Според податоците од Секторот за образование, во техничкото училиште се запишале 190 ученици, а во гимназијата 101. Најмала е бројката на пријавени полуматуранти во економското училиште, вкупно 35. Надлежните се надеваат дека во второто пријавување ќе има поголем интерес за економските струки.
Годинава, поради ковид пандемијата уписите во средните училишта се одвиваат под посебен протоко. Задолжително носење на маски, дезинфекција на раце, влез од една, а излез од друга страна на објектот, примање на документите според азбучен ред за да се избегнат гужви и слично.
Уписите на полуматурантите продолжуваат следната недела.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот