Утре премиера на „МИНУТИ ЗА СЕКОГО“ | Теми: Наталитет и Женско здравје… Гостин д-р Агим Јакупи

Почитувани читатели и гледачи на Gostivarpress.mk, празнувањата веќе ги оставивме зад нас и дојде време за јануарското издание на видео емисијата „МИНУТИ ЗА СЕКОГО“. Потсетуваме, концептот на емисијата содржи разговори, дискусии, дебатирања околу  состојби, текови, проблеми кои ги делат граѓаните и заедницата. Посебен осврт до сега сме правеле на маките на поранливите категории групи, опфаќајки широк спектар на теми.

Во новата премиера преплетуваме повеќе теми, почнувајќи од драстичниот пад на наталитетот во гостиварскиот регион, женското здравје, младите и сексуалната едукација, условите и состојбите на гинеколкошко-акушерското одделение во болницата во Гостивар, недостигот од гинеколози, статусот на лекарите во земјава итн.

Наш гостин е доктор Агим Јакупи, раководител на гинеколкошко-акушерското одделение во гостиварската општа болница.

Убедени сме дека и овојпат ќе успееме да го задржиме вашето внимание, а ветуваме квалитетна содржина и интересни разговори. Не ја пропуштаје премиерата! Ја емитуваме утре, понеделник (29-ти јануари), како и сите претходни емисии, на Јутуб и Телеграм каналите на Gostivarpress.mk.

Сите емисии „МИНУТИ ЗА СЕКОГО“ овозможуваат еднаков пристап на лицата со оштетен слух и се прикажуваат со толкување на знаковен јазик.

Ви благодариме на довербата!