Во несреќа кај патарината во Гостивар повредени две лица

Двајца жители на Неготино полошко завршиле со повреди во несреќа што се случила попладнево на патот Тетово-Гостивар кај гостиварската наплатна рампа во Гостивар. Како што информира портпаролот на СВР Тетово, Марјан Јосифоски несреќата била пријавена во СВР Тетово во 18.30 часот. Патничко моторно возило голф 5 со странски регистарски таблици кое го управувало 50 годишен жител на Неготино полошко се претвртело на коловозот. Од превртувањето возачот на „голфот“ се здобил со тешки телесни повреди, додека 47 годишниот сопатник од истото село се здобил со лесни телесни повреди констатирани во гостиварската општа болница, каде двете лица биле префрлени за лекарска помош.

Увид на местото извршила екипа од Одделението за внатрешни работи Гостивар, се работи на утврдување на причините и околностите под кои се случила несреќата.