Вести
Во тетовско-гостиварскиот регион лани фатени над 1.900 „диви“ возачи, голем број од нив биле малолетници
Во текот на 2017 година, на подрачјето на Секторот за внатрешни работи Тетово, во кое спаѓа поширокиот тетовско-гостиварски регион, биле откриени 1.908 лица кои управувале моторни возила без положен испит и валидна возачка дозвола. Во просек, месечно биле откривани по 150 „диви“ возачи, односно по најмалку пет дневно.
„Најголем број од нив управувале патнички возила, но и комбиња, камиони и минибуси. Дел од нив биле и учесници во јавниот превоз на патници. Најчесто, станува збор за помлади лица на возраст од 15, 16 до 35-40 години. Меѓу нив и такви кои го повторувале прекршокот“, информира СВР.
Минатата година, биле откриени и 1.279 возачи-почетници, кои не се придржувале кон законски предвидените ограничувања за оваа категорија учесници во сообраќајот, односно управувале возила со поголема моќност или без придружник.
Во текот на 2017 година биле откриени и санкционирани 1.518 лица кои управувале возила со истечена регистрација, до и над 30 денови. Тие се соочиле со казна од 100 до 500 евра.
Секторот за внатрешни работи Тетово најавува дека и годинава ќе продолжи со засилени контроли во чие средиште ќе бидат возачите кои управуваат моторни возила без возачки дозволи, возачите –почетници кои не се придржуваат на законските ограничувања и возачите кои управуваат нерегистрирани возила. Засилени контроли се најавуваат и за откривање на возачи кои возат пребрзо, особено на оние кои вршат јавен превоз.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот